వందేళ్ల రికార్డును మహిళలు బద్దలు కొట్టారు.

మహిళలే మేధావులు

లండన్‌ : వందేళ్ల రికార్డును మహిళలు బద్దలు కొట్టారు. ఐక్యూ విషయంలో ఇన్నేళ్ల కాలంలో పురుషులదే పై చేయిగా ఉండేది. ఆ రికార్డును మహిళలు బ్రేక్‌ చేశారని సైకాలజిస్టులు వెల్లడించారు. కొత్త అధ్యయనంలో వెల్లడైన ఈ విషయాలను ఐక్యూ పరీక్షల నిర్వహణలో ప్రపంచ ప్రఖ్యాతిగాంచిన జేమ్స్‌ ఫ్లిన్‌ ఒక బ్రిటిష్‌ పత్రికలో ప్రచురించారు. పురుషులతో పోలిస్తే సుమారు ఐదు పాయింట్ల వరకు మహిళలు వెనుకబడి ఉండేవారు. ఈ తారతమ్యం క్రమేపి తగ్గుతూ వచ్చింది. ఈ ఏడాదిలో ఆ బేధాన్ని మహిళలు అధిగమించి పురుషులకన్నా ఎక్కువ ఐక్యూ స్థాయికి వారు చేరుకున్నారు. దీనికి కారణం బహుళ లక్ష్యాలను సాధించే శక్తిసామర్ధ్యాలు మహిళలకు ఉండటమే నంటున్నారు సైకాలజిస్టులు. పశ్చిమ యూరప్‌, యూఎస్‌ఏ, కెనడా, న్యూజిలాండ్‌, అర్జెంటీనా, ఈస్టోనియా దేశాలలో ఐక్యూ పరీక్షలు నిర్వహించారు.